5 | تلميحات خفيفة عن التصوير ..

السلام عليكم ورحمة الله وبركاته ..

أسعدَ الله أوقاتكم بكل خير ..

ملاحظة : لستُ مصوّرة محترفة ، إنما هاوية مبتدئة .. للتوّ أكملت سنتي الأولى منذُ أمسكت الكاميرا الاحترافية بيدي .. ولازلت أتعلّم .. أطمح أن أكون محترفة يوماً ما ، بإذن الله :D

راح أسولف معكم اليوم .. و ممكن نتشارك بعض الأفكار أو الطرق اللي نتبعها وقت التصوير أو قبله وبعده ..

قبل التصوير ..

نحرص دايماً على التغذية البصرية .. فلكر ، تمبلر ، ديفنت آرت .. والانستقرام بعد .. أيضاً المجلات ، كتالوج ايكيا .. كلها حاجات تلهم .. أحياناً العبارات .. الاقتباسات ممكن تلهمك بفكرة معينة ..

لو جت فبالك فكرة ، اكتبيها ، دونيها بالإضافة إلى الأشياء اللي بتحتاجينها وقتها .. وحطّي أكثر من خيار لو فرضاً ما ضبطت فكرتك .. اكتبي كل التفاصيل .. وكل شي ممكن تستخدمينه كبديل لو ما حصلتي الشي اللي فبالك .. و عموماً لا تحاتين كثير .. بعض الأفكار تجي وقت التصوير :)

وقت التصوير ..

الإضاءة ، العنصر المهم بالنسبة لي .. الوقت؟ طبعاً النهار هو أفضل وقت .. الصباح أو العصر قبل المغرب بساعة أو نص ساعة تقريباً .. اممم كثير كان يسأل عن الإضاءة البيضا القوية .. أستخدمها كثير في صوري .. أقول لكم مكاني المفضل بالبيت؟ :P بالممر .. أفتح باب الحوش وأشتغل بالنصف تماماً .. عند الباب .. الإضاءة راح تجي من ورا .. بيضا وقوية .. ارفعي الشتر مع فتحة عدسة كبيرة = رقم صغير .. وبس :) واستمتعي بإضاءة نقية وصافية ، أغلب صوري في هذا المكان من البيت .. لو إنه مو عند مجلس الحريم ولا كان حجزته لي :D

جربي أكثر من زاوية .. أكثر من إضاءة .. غيري كثير بـ while balance .. وإذا احترتي مرة خليه Auto ..

بالنسبة لتصوير الأطفال .. وعن تجربة .. أنصحك يكون أحد معك يشغله ، يكلمه .. بحيث تكون الصورة عفوية .. ولو كان عندك طفل باله طويل ويصبر عليك .. فـ يا بختك ما شاء الله .. الله يهنيك .. أهم شي المودل الجميل ما يمل .. احرصي تكون نفسيته زي الفل .. ولا ، الله يعينك .. أو اتبعي أسلوب ” دور دور ” أو المكافأة .. ” دور دور ” يعني لو سمع الكلام و ساعدك بالتصوير تخلينه يصور شوي : أو تكافئينه بعد كل تصوير .. حاولي تسولفين معه أثناء التصوير ، بتطلع الصورة أكثر عفوية :)

اممم بعد التصوير .. اختيار الصورة والمعالجة ..

احترتي بالصورة؟ استعيني بأخواتك وإذا ما عطوك وجه .. الشكوى لله .. استخدمي الدمج :) وبالمناسبة الحل الثاني أفضل بكثيير من الأول .. وخاصةً إذا كانوا أخواتك أصغر منك وتترجينهم بس يعطونك رايهم :(

المعالجة .. الفقرة اللي أحبها .. وهي أسهل و أمتع مرحلة :)

الأكشن اللي أحبه هنا .. مجموعة أكشنز حلوة .. فيه واحد أكثر شي أستخدمه .. بعد ما تركبينه بالفوتوشوب .. شوفي أكشن اسمه Cream Soda .. تقدرين تفتحينه وتعدلين عليه وتحذفين بعض اللايرز إذا حابّة .. عموماً ميزته إنه يعطيك حدّة و دقّة بالصور حلوة كثير! بالعادة أغير opacity للاير الأخيرة Haze و أحياناً أضيف لاير جديدة فوقها وأعبيها لون من عندي .. حتى أعطي الصورة تون معين .. وتخلينها soft light وبرضو تعدلين opacity حقتها :)

لو ما عجبتك إضاءة صورة وما قدرتي تعدلينها .. جربي تخلينها أحادي .. وشوفي كيف .. ممكن تعجبك أكثر ..

وأخيراً .. أنصحكم بالإطلاع على تدوينات مميزة للمصور حسين الدغريري .. من الهوس الضوئي ..

تدوينة للعام الماضي .. و أخرى لهذا العام  :)

اممم حبيت التدوينة تكون بسيطة وغير متكلفة حتى يكون فيها مشاركة لبعض الأفكار سواءً للتصوير، لاختيار الإضاءة أو المعالجة .. أتمنى أكون أفدتكم ولو بشي بسيط .. وأي أسئلة عندكم أو اقتراحات .. راح أكون سعيدة للرد عليها :)

أنتظركم :$

دمتم بخير وسعادة ..