27/3

…

كالعادة .. نمت أمس و الجهاز مفتوح وكنت أكتب اليوميّات حقتي .. ونسيت أكتب حق اليوم اللي قبل ! لنفس السبب! :(

بس ما أذكر صار شي يستاهل أكتب عنه >> اللي يسمعني الحين عندي يوميّات مهمّة ..

بس اليوم .. يوم جميل جداً الحمدلله .. الجو خياالي و البرد كأنه رجع .. سبحان الله من الصبح يجيك إحساس إن اليوم راح يكون رايق وفعلاً ..

صحيح تخلله بعض الأشياء لكن عموماً .. الحمدلله ..

أجمل شي صار باليومين اللي فاتوا  .. العملية اللي خططناها أنا وخالتي ضد أمي المسكينة .. بيجيها رعب يا سلام! و بتجيلي أنا تهزيئة محترمة جداً .. من الحين وأحس فيها ..

بس بالأخير بتنبسط و بتشكرني .. وبتشوفون :)

الجدير بالذكر .. إننا – أنا وصديقتي اللي دايم أسولف عنها وعشان أختصر .. اسمها أريج :) هي لحالها يبيلها تدوينة خاصة فيها .. شخصية شريرة جداً  .. لكنها طيّوبة وحبّوبة ..

ولا تزعل علينا الصديقة Miss Noticeable – صفا .. يا حبيلها .. كل يوم نختلف و بالأخير نضحك على أنفسنا .. بس الحق ينقال .. طيبة وعفويّة جداً :)

المهم .. أنا وأريج الشريرة .. وبرجعتنا من الجامعة مرّينا السوبرماركت .. عشان تساعدني بالتقضّي و التسوّق .. اكتشفت إني أستمتع بالتسوّق كثير .. ممتع جداً جداً :)

كنت محتاجة أغراض .. حتى تكمل خطّة اليوم .. وأول ما رجعت .. استقبلتني الوالدة بتهزيئة جميلة .. طبعاً هي ما تدري وش السالفة .. وربّي إني ماسكه نفسي .. أخاف يزلّ لساني وأخرّب المفاجأة!

متفائلة جداً بالويييك إيند هذا .. ويارب يكون أجمل وييك إيند .. ياارب ياارب ..

ويوم إربعاء جمييل يا أحبّة

ونهاية أسبوع جميلة بإذن الله

كونوا بخير