24/3

…

هدوء و راآحة .. بعد يوم ثقيل .. أعترف .. كله عشاني نمت العصر .. ويا شينها من نومه استغفر الله ..

بس الشي الجميل إني نص مصحصحه الحين الحمدلله ..

اممم بالنسبة لكتابة اليوميّات هنا .. بجرّب نفسي هالاسبوع ..

وطبعاً باختار الأنسب لي >> هو فيه أحد طلب منّك إنك تكتبين أصلاً !

بس أنا كان نفسي أجرّب الشعور .. أكلّم نفسي هنا و أفرّغ الشحنات الموجبة و السالبة اللي تلقّيتها اليوم الحمدلله ..

وكعادتي .. أطلع من البيت متأخرة .. وأوصل للجامعة متأخرة بعد .. بس الحمدلله .. غالباً تكون الدكتورة إما لسى ما بدت بالمحاضرة أو توها جاية .. يعني متأخره معانا …

والشي الطريف اليوم .. كنا نركض أنا وصديقتي .. لإننا خفنا نتأخر على المحاضرة وما تدخّلنا .. وشوي إلا نلقى الدكتورة قدّامنا تمشي .. وأول ما وصلنا لباب المبنى .. ابتسمت و افتحت لنا الباب بنفسها ..

وإحنا ما صدّقنا طبعاً .. وسبقناها بعد .. والحمدلله مر اليوم بسلام ..

أحيي جامعتنا العزيزة .. وصرنا ندرس أحياء و إحنا حاسب .. و الظريف بالأمر .. نلبس لاب كوت !!! و 3 محاضرات بالأسبوع + لاب ! >> شكّيت إذا تخصصنا أحياء ..

بس صراحة أنا أشوفها مادة لتغيير الجو بعض الشيء + نتعلّم اللهجة الهنديّة :)

وفجأة .. الدنيا صيف! المفروض بالصيف نكون نشيطين .. بس لاحظت إني صرت كسولة جداً ومهملة جداً جداً فيما يخص الدراسة! للأسف الشديد :(

محتاجه خطة للتغيير .. لازم أقلل من دخولي للنت :(

امممم إلى هنا اليوم ..

تصبحون على خير يا أصدقاء ()